Cristiano Ronaldo រកបានហែតទ្រីក (៣គ្រាប់ម្នាក់ឯង) ជួយឲ្យក្រុមស្ដេចស Real Madrid បំបាក់ Espanyol ៦-០ ក្នុងការប្រកួត La Liga សប្ដាហ៍ទី២២យប់មិញ។
ដូច្នេះអ្នកចាត់ការថ្មី Zinedine Zidane ពិតជាដឹកនាំ Real ធ្វើបានល្អណាស់ នៅប្រកួតក្នុងដី៣ប្រកួតដំបូងដោយឈ្នះ Deportivo ៥-០, ឈ្នះ Sporting ៥-១ និងឈ្នះប្រកួតនេះ ៦-០ ទៀត ប៉ុន្តែប្រកួតក្រៅដី១ប្រកួតមុន គឺបានត្រឹមស្មើ Real Betis ១-១ ប៉ុណ្ណោះ។ លទ្ធផលនេះ Real នៅតែឈរនៅលេខ៣ដដែល ដោយចាញ់ក្រុមកំពូលតារាង Barcelona ៤ពិន្ទុ និងចាញ់ Atletico Madrid ១ពិន្ទុ៕
