យោងតាមកាសែត AS នៅអេស្ប៉ាញបានចុះផ្សាយថា Ramos និងភ្នាក់ងាររបស់គេបានជួបប្រជុំជាមួយក្លិប Real Madrid កាលពីម្សិលមិញនេះដើម្បីចរចា និងសុំលោក Florentino Perez ប្រធានក្លិបអធិរាជស ចាកចេញពីក្លិបតែម្ដងនៅពេលខ្លីខាងមុខនេះ។ ស្របពេលជាមួយគ្នានោះដែរ ខាងក្លិប Man Utd ក៏បានដាក់ស្នើតម្លៃខ្លួនខ្សែការពារក្រុមជម្រើសជាតិអេស្ប៉ាញរូប នេះទៅ Real ភ្លាមផងដែរ ក្នុងតម្លៃជិត៥៥លានដុល្លារអាមេរិក ដើម្បីផ្ដាច់កុងត្រាចាស់របស់គេរយៈពេល២ឆ្នាំដែលនៅសល់។
កាដាក់តម្លៃខ្លួនរបស់បិសាចក្រហមនេះដែរ ត្រូវបានគេយល់ឃើញថាក៏មានការទាក់ទងជាមួយអ្នកចាំទី David de Gea ផងដែរ ពោលគឺ Man Utd អាចទិញខ្សែការពារវ័យ២៩ឆ្នាំខាងលើនេះបាន ហើយ Real វិញក៏អាចទិញអ្នកចាំទីវ័យក្មេង De Gea វិញផងដែរ។
ទន្ទឹមនឹងការចង់ចាកចេញរបស់ Ramos នេះ Real Madrid ក្រោមការដឹកនាំរបស់លោក Rafael Benitez ក៏បានសម្លឹងឃើញខ្សែការពារដែលត្រូវទិញមកជំនួសរួចជាស្រេចហើយ ដែរ គឺ Aymeric Laporte របស់ក្រុម Athletic Bilbao និង Nicolas Otamendi របស់ក្រុម Valencia៕
