យោង តាមការដោះដូរកីឡាករប៉ុន្មានឆ្នាំចុងក្រោយនេះបានបញ្ជាក់ឱ្យដឹង ថាក្លិប Manchester United បានចំណាយលុយច្រើនទៅលើកីឡាករ ប៉ុន្តែមិនបានទទួលលទ្ធផលល្អមកវិញនោះទេ។
ក្របខ័ណ្ឌ English Premier League ត្រឹម៣រដូវកាលចុងក្រោយនេះបានចំណាយប្រាក់ទិញកីឡាករដល់ទៅ៥៦០ លានផោន ប៉ុន្តែបើគិតពីភាពជាក់ស្ដែងវិញក្រុមកីឡាករដែលទិញចូលទាំងអស់ នោះ មានតែ៥០ភាគរយឬតិចជាងនេះទៅទៀតដែលមានសមត្ថភាពសក្ដិសមនឹងតម្លៃ ខ្លួន។
Man Utd អស់១១៧,៧លានផោន ខណៈដែល Spurs ចំណាយអស់ ១០០,៩លានផោន ជាក្លិបដែលឈរនៅលើគេក្នុងការចំណាយលុយទិញកីឡាករខុស។ កំហុសធំបំផុតរបស់បិសាចក្រហមគឺ Angel Di Maria ដែលទិញពី Real Madrid មកក្នុងតម្លៃខ្លួន ៥៩,៧លានផោន ប៉ុន្តែលេងបានតែមួយរដូវកាលក៏ត្រូវលក់ចេញឱ្យទៅ PSG វិញក្នុងតម្លៃខ្លួន៤៤លានផោន។ Marouane Fellaini ដែលមានតម្លៃខ្លួន ២៧លានផោន ទិញ Everton នៅឆ្នាំ២០១៣ ជាប់លេខ២ជាកីឡាករដែល Man Utd ទិញមកខុសដែរ។
ឈ្មោះកីឡាករដែលក្លិបចំណាយលុយខុស
Ander Herrera និង Luke Shaw ដែលទិញមកកាលពីរដូវកាលមុនក៏មិនទាន់បង្ហាញអ្វីឱ្យល្អណាស់ណា ដែរ ពោលគឺរយៈពេលមួយរដូវកាលមកនេះពួកគេមានរបួសច្រើន ហើយលេងមិនបាន៥០ភាគរយផង។
ចំពោះក្លិបផ្សេងទៀតដែលចំណាយលុយខុសច្រើនដែរនោះគឺ Manchester City (៥៣,៣លានផោន) , Liverpool (៥០,៤លានផោន) , Arsenal (៣៤,៣លានផោន) និង Chelsea (៣២,៩លានផោន) ៕
