អំឡុងពេលរស់នៅជាមួយគ្នា តារាចម្រៀងនិងតារាសម្ដែង Kim Hyun Joong បានធ្វើឲ្យអតីតមិត្តស្រីមានផ្ទៃពោះចំនួន ៥ ដង។
កាលពីថ្ងៃទី ១៧ ខែធ្នូ មុននេះ មន្ទីរពេទ្យ Seoul
ទីកន្លែងពិនិត្យ DNA របស់អតីតមិត្តស្រីរបស់តារាចម្រៀង Kim Hyun
Joong បានប្រាប់ទៅកាន់បណ្ដាញព័ត៌មាន TVReport ថា
អត្រាដែលតារាចម្រៀងរូបនេះជាឪពុករបស់ទារកដែលអតីតមិត្តស្រីរបស់
គេទើបបង្កើត គឺមានដល់ ៩៩,៩៩៩%។ អាស្រ័យហេតុនេះ
អតីតសមាជិកក្រុមចម្រៀង SS501 គឺជាឪពុកបង្កើតរបស់ទារកអាយុ ៣
ខែមួយនេះ។
ស្របពេលនឹងការបញ្ចេញលទ្ធផល DNA នេះដែរ មេធាវីរបស់អ្នកស្រី
Choi ដែលអតីតមិត្តស្រីរបស់តារាចម្រៀងវ័យ ២៩ ឆ្នាំបានអះអាងថា៖
“កំឡុងពេល ២ឆ្នាំដែល Choi រស់នៅជាមួយ Kim Hyun Joong
នាងត្រូវគេធ្វើឲ្យមានផ្ទៃពោះ ៥
ដងព្រមទាំងប្រើអំពើហិង្សាលើរាងកាយនាងជាច្រើនកន្លែង”។
ជាមួយគ្នានេះដែរ ភាគីរបស់ Kim Hyun Joong
បានប្រាប់ទៅកាន់បណ្ដាញព័ត៌មាន Newsen
ថាពួកគេបានដឹងថាលទ្ធផលត្រូវបញ្ជូនទៅកាន់តុលាការហើយតែពួកគេ
មិនទាន់បានឃើញវានៅឡើយទេ។ ជាថ្មីម្ដងទៀត មេធាវីរបស់តួរឿង
“Boys Over Flowers” លោក Lee Jae Man
នៅតែប្រកាន់នូវគោលជំហររបស់ខ្លួនថា Kim Hyun Joong
នឹងទទួលខុសត្រូវគ្រប់យ៉ាងទៅលើទារកមួយនេះ
ប៉ុន្តែរឿងក្ដីប្ដឹងទៅលើអតីតមិត្តស្រីរបស់គេពីបទ
បរិហារកេរ្តិ៍គឺនៅតែបន្តជាធម្មតា៕
