ក្រុមហ៊ុន ផលិតរថយន្តរបស់ប្រទេសអង់គ្លេស Rolls-Royce បានបង្ហាញរូបរាងរថយន្តមួយប្រភេទទៀតផលិតឡើងសម្រាប់ថ្វាយព្រះ រាជវង្សនៃប្រទេសអារ៉ាប៊ីសាអ៊ូឌីត ដោយផលិតតែមួយគ្រឿងប៉ុណ្ណោះ។
ឈ្មោះពេញនៃរថយន្តនេះត្រូវបានគេហៅថា Rolls-Royce Ghost Red Diamond។ រូបរាងខាងក្រៅនៃរថយន្តត្រូវបានគេរចនាយ៉ាងល្អប្រណីតដោយប្រើ ប្រាស់ពណ៌រាងក្រហមចាស់។ ចំណែកឯផ្នែកខាងក្នុងត្រូវបានរចនាដោយប្រើប្រាស់ពណ៌ក្រហមរាង ស៊ីជម្ពូ រួមជាមួយនឹងពណ៌ត្នោត។ មិនតែប៉ុណ្ណោះថែមទាំងមានដាំគ្រាប់ពេជ្រនៅកន្លែងមួយចំនួនទៀត ផងដោយសរុបទាំងអស់គឺមានចំនួន៤១គ្រាប់ពេជ្រ ដើម្បីឲ្យស៊ីទៅនឹងឈ្មោះរថយន្ត។
ត្បិតថាក្រុមហ៊ុនមិនបានប្រកាសអំពីលក្ខណៈសម្បត្តិរបស់រថយន្ត ប៉ុន្តែគេអាចសន្និដ្ឋានបានថា លក្ខណៈសម្បត្តិគឺដូចទៅនឹង Rolls-Royce Ghost ប្រភេទធម្មតាដែរ ពោលមានម៉ាស៊ីនចំនួន១២ ទំហំ៦,៦លីត្រ និងកម្លាំង៥៦៣សេះ៕
