ក្រុមហ៊ុន Microsoft បានសម្ពោធកុំព្យូទ័រ Laptop ដំបូងពុំធ្លាប់មាន Surface Book នៅថ្ងៃម្សិលមិញ និងអះអាងថា មានល្បឿនលឿនជាង Macbook Pro របស់ក្រុមហ៊ុន Apple ដល់ទៅពីរដងឯណោះ។
ខាងក្រុមហ៊ុន Microsoft ថ្លែងថា៖ “កុំព្យូទ័រទំហំ១៣,៥អ៊ីញ ដែលមានល្បឿនលឿននេះ ពុំធ្លាប់មានផលិតនៅលើផែនដីនេះទេពីមុនមកទេ”។
ជាមួយអេក្រង់ទំហំ ១៣,៥អ៊ីញ Surface Book មាន Resolution ៣០០០x ២០០០ ដង់ស៊ីតេ២៦៧ppi។ វាមានទម្ងន់១៥១៦ក្រាម បំពាក់ដោយ Processor Core i5 ឬ i7 និងមានទំហំមេមូរី (SSD) បួនជម្រើស ១២៨GB, ២៥៦GB, ៥១២GB ឬ ១TB និង Ram ទំហំ ៨GB ឬ១៦GB។
Surface Book នេះអាចធ្វើជា Tablet ក៏បាន ដោយគ្រាន់តែទាញ Keyboard របស់វាចេញ។ កុំព្យូទ័រនេះនឹងត្រូវដាក់លក់នៅអាមេរិកនៅថ្ងៃទី២៦ ខែតុលាខាងមុខនេះ៕
