ទី បំផុតកំពូលកីឡាករមិនដែលចាញ់ Floyd Mayweather នៅតែអាចរក្សាកំណត់ត្រារបស់ខ្លួន ដោយយកឈ្នះពិន្ទុកីឡាករសញ្ជាតិហ្វីលីពីន Manny Pacquiao ក្រោយប្រកួតយ៉ាងស្វិតស្វាញ ១២ទឹកពេញ។
ម្ចាស់ខ្សែក្រវាត់ទម្ងន់ធ្ងន់ពិភពលោក WBC/WBA កីឡាករ Floyd Mayweather បានទទួលជ័យជម្នះជាឯកច្ឆន្ទពីសំណាក់ចៅក្រមទាំងបី ដោយពិន្ទុ ១១៨-១១០, ១១៦-១១២ និង ១១៦-១១២។
ជ័យជម្នះនេះ បានធ្វើឲ្យកីឡាករFloyd Mayweather បង្កើតកំណត់ត្រាថ្មី ដោយប្រកួត ៤៨ដង មិនទាន់ស្គាល់ពាក្យថាចាញ់។ ចំណែកកីឡាករដែលធ្លាប់ឈ្នះខ្សែក្រវាត់ជាច្រើនស្ថាប័ន Manny Pacquiao ឆ្លងកាត់ការប្រកួតផ្លូវការបាន៦៥ដង ឈ្នះ៥៧ដង (ផ្ដួលគេប្រកួតឲ្យសន្លប់៣៨ដង) ស្មើ២ និងចាញ់ ៦ដង បូករួមទាំងចាញ់កីឡាករ Floyd Mayweather អម្បាញ់មិញនេះ៕
