លោក Pep Guardiola បានយល់ព្រមទៅដឹកនាំក្លិប Manchester City នៅរដូវកាលក្រោយហើយ។ នេះបើយោងតាមប្រភពព័ត៌មានពីប្រទេសអេស្ប៉ាញ។
Pep Guardiola មានក្លិបជាច្រើនចង់បាន បើចេញពីអាល្លឺម៉ង់
កុងត្រាចាស់របស់ Pep ជាមួយ Bayern Munich នឹងអស់សុពលភាពនៅចុងរដូវកាល ហើយលោកនឹងចរចាជាមួយជាមួយក្រុមជើងឯកអាល្លឺម៉ង់ខែក្រោយ ដើម្បីសម្រេចពីអនាគតរបស់ខ្លួន។ Pep បានចំណាយពេល៣រដូវកាលនៅអាល្លឺម៉ង់ ហើយក្តីស្រមៃបន្ទាប់ គឺការទៅដឹកនាំនៅទឹកដីរបស់អង់គ្លេស។
ប្រភពពី El Mundo Deportivo កាសែតមានមូលដ្ឋាននៅទីក្រុង Barcelona បានផ្សាយថាគ្រូបង្វឹកវ័យ៤៤ឆ្នាំ បានចុះកុងត្រាទុកមុនជាមួយ Man City កាលពីថ្ងៃព្រហស្បតិ៍ ពោលគឺ២៤ម៉ោង មុនពេលក្រុមដែលកំពុងដឹកនាំដោយលោក Manuel Pellegrini បរាជ័យក្រោយថ្វីជើង Juventus នៅChampions League ។
អ្នកចាត់ការ Manuel Pellegrini របស់ Man City អាចអស់តំណែងរដូវកាលក្រោយ
ខាងភាគី Bayern Munich គ្រោងចរចាលើកុងត្រាថ្មីរបស់ Guardiola ក្រោយការប្រកួតជាមួយ Hannover នៅថ្ងៃទី១៩ ខែធ្នូ។ គ្រូបង្វឹកសញ្ជាតិអេស្ប៉ាញ ធ្លាប់សន្យាថានឹងធ្វើការសម្រេចចិត្តពីអនាគតរបស់ខ្លួននៅចុង ឆ្នាំនេះ ហើយ Manchester City មិនមែនជាក្រុមតែមួយនោះទេដែលព្យាយាមចង់បានរូបលោក ក្នុងករណីមានការដើរចេញពីប្រទេសអាល្លឺម៉ង់កើតឡើង៕