Keisuke Honda កីឡាករ playmaker របស់ក្រុម AC Milan
បានបង្ហើបប្រាប់ពីការខកចិត្តជាមួយក្រុមយក្សអ៊ីតាលី
ហើយកីឡាករជម្រើសជាតិជប៉ុនរូបនេះ
អាចនឹងចាកចេញនៅខែមករាខាងមុខនេះ ខណៈដែលក្លិប២នៅ Premier
League កំពុងតែចាប់អារម្មណ៍ខ្លាំង។ នេះបើតាមសារព័ត៌មាន Daily
Express។
Honda ជាប់ជម្រើសដំបូងរបស់ក្រុមលោក Sinisa Mihajlovic តែ៣ដងប៉ុណ្ណោះនៅក្របខ័ណ្ឌកំពូលអ៊ីតាលី Serie A រដូវកាលនេះ។ ខ្សែប្រយុទ្ធវ័យ២៩ឆ្នាំ បាននិយាយថា៖ “ស្ថានភាពពេលនេះ មិនងាយស្រួលឡើយ។ អង្គុយនៅកៅអីបម្រុងជាច្រើនប្រកួត ជាអ្វីដែលមិនដែលកើតឡើងសម្រាប់ខ្ញុំពីមុន។ ខ្ញុំចាប់ផ្ដើមយល់ពីអារម្មណ៍អ្នកនៅក្រៅទីលានហើយ។ តំណែងរបស់ខ្ញុំ នៅក្រុមជម្រើសជាតិក៏មានភាពខុសប្លែកផងដែរ”។
Tottenham Hotspur គឺជាក្រុមដែលចាប់អារម្មណ៍ខ្សែបម្រើប្រយុទ្ធរូបនេះជាច្រើនលើក ច្រើនសារមកហើយ ខណៈដែល Everton ក៏កំពុងតែតាមដានស្ថានការណ៍ តារាឆ្នើមក្រុមសាម៉ូរ៉ៃខៀវជប៉ុនរូបនេះដូចគ្នា។
ក្រុមមាន់ខ្នាយមាស Spurs ងាកមកចាប់អារម្មណ៍កីឡាករអាស៊ី Honda នេះទៀត គឺបន្ទាប់ពីពួកគេទិញបានកីឡាករកូរ៉េខាងត្បូង Son Heung-Min ពី Bayer Leverkusen កាលដើមរដូវកាលនេះ ហើយពិតជាមានទម្រង់លេងយ៉ាងល្អ។ រីឯក្រុម Everton របស់លោក Roberto Martinez ក៏កំពុងតែចង់បានកីឡាករដែលពូកែបង្កើតឱកាសបន្ថែមទៀត។
Honda ដែលធ្លាប់លេងឲ្យក្រុមរុស្សី CSKA Moscow ៤រដូវកាល មុនផ្ទេរទៅ AC Milan រូបនេះ ស៊ុតឲ្យជម្រើសជាតិជប៉ុនបាន៣៤គ្រាប់ ក្នុងការបង្ហាញខ្លួន៧៩ប្រកួត រួមទាំងគ្រាប់បាល់ចុងក្រោយ ដែលតែតចូលក្រុមជម្រើសជាតិកម្ពុជា កាលពីយប់ថ្ងៃអង្គារផងដែរ៕
Honda ជាប់ជម្រើសដំបូងរបស់ក្រុមលោក Sinisa Mihajlovic តែ៣ដងប៉ុណ្ណោះនៅក្របខ័ណ្ឌកំពូលអ៊ីតាលី Serie A រដូវកាលនេះ។ ខ្សែប្រយុទ្ធវ័យ២៩ឆ្នាំ បាននិយាយថា៖ “ស្ថានភាពពេលនេះ មិនងាយស្រួលឡើយ។ អង្គុយនៅកៅអីបម្រុងជាច្រើនប្រកួត ជាអ្វីដែលមិនដែលកើតឡើងសម្រាប់ខ្ញុំពីមុន។ ខ្ញុំចាប់ផ្ដើមយល់ពីអារម្មណ៍អ្នកនៅក្រៅទីលានហើយ។ តំណែងរបស់ខ្ញុំ នៅក្រុមជម្រើសជាតិក៏មានភាពខុសប្លែកផងដែរ”។
Tottenham Hotspur គឺជាក្រុមដែលចាប់អារម្មណ៍ខ្សែបម្រើប្រយុទ្ធរូបនេះជាច្រើនលើក ច្រើនសារមកហើយ ខណៈដែល Everton ក៏កំពុងតែតាមដានស្ថានការណ៍ តារាឆ្នើមក្រុមសាម៉ូរ៉ៃខៀវជប៉ុនរូបនេះដូចគ្នា។
ក្រុមមាន់ខ្នាយមាស Spurs ងាកមកចាប់អារម្មណ៍កីឡាករអាស៊ី Honda នេះទៀត គឺបន្ទាប់ពីពួកគេទិញបានកីឡាករកូរ៉េខាងត្បូង Son Heung-Min ពី Bayer Leverkusen កាលដើមរដូវកាលនេះ ហើយពិតជាមានទម្រង់លេងយ៉ាងល្អ។ រីឯក្រុម Everton របស់លោក Roberto Martinez ក៏កំពុងតែចង់បានកីឡាករដែលពូកែបង្កើតឱកាសបន្ថែមទៀត។
Honda ដែលធ្លាប់លេងឲ្យក្រុមរុស្សី CSKA Moscow ៤រដូវកាល មុនផ្ទេរទៅ AC Milan រូបនេះ ស៊ុតឲ្យជម្រើសជាតិជប៉ុនបាន៣៤គ្រាប់ ក្នុងការបង្ហាញខ្លួន៧៩ប្រកួត រួមទាំងគ្រាប់បាល់ចុងក្រោយ ដែលតែតចូលក្រុមជម្រើសជាតិកម្ពុជា កាលពីយប់ថ្ងៃអង្គារផងដែរ៕
