ខ្សែប្រយុទ្ធ Alexis Sanchez បានឲ្យដឹងថាគេត្រៀមខ្លួនរួចរាល់ក្នុងការបដិសេធសំណើទិញនានា ដើម្បីបន្តនៅជាមួយ Arsenal ដណ្ដើមយកពាន Premier League ឲ្យបាន។
ការនិយាយបែបនេះបន្ទាប់ពីប្រភពមួយចំនួនផ្សាយថា ក្លិបយក្សអេស្ប៉ាញ Real Madrid កំពុងសម្លឹងក្នុងការផ្ទេរយករូបគេ តែកីឡាករវ័យ ២៦ឆ្នាំ បានចេញអះអាងថាខ្លួនមិនចាប់អារម្មណ៍ ការវិលទៅទឹកដីអេស្ប៉ាញវិញទេ។
យោងតាមកាសែតអេស្ប៉ាញ Don Balon ខ្សែប្រយទ្ធជម្រើសជាតិឈីលី គ្រោងបន្តកុងត្រាថ្មីជាមួយ Arsenal ដែលរូបគេនឹងចរចារឿងការដំឡើងថ្លៃឈ្នួល នឹងផែនការសម្រាប់អនាគតមួយចំនួនផងដែរ។
Sanchez បានស៊ុតបញ្ចូលទី១១គ្រាប់ ហើយនៅរដូវកាលថ្មី ដែលទាំងនេះអាចធ្វើឲ្យក្លិបដែលមានមូលដ្ឋាននៅទីក្រុងឡុងដ៍ ពិបាកបដិសេធចំពោះការទាមទាររបស់គេ៕