អ្នកស្រី Han Un Gyong ដែលជាសមាជិកគណៈកម្មាធិកាប្រតិបត្តិមួយរូបនៅ AFC បានអះអាងថាអ្នកស្រីបានដាក់សំណើទៅ Lionel Messi រួចរាល់ហើយ ក្នុងគោលបំណងចង់ឱ្យខ្សែប្រយុទ្ធអាហ្សង់ទីនរូបនោះ មកលេងប្រទេសកូរ៉េខាងជើង។ ចំណែកមូលហេតុនោះគឺដោយសារក្មេងៗនៅប្រទេសនេះស្រលាញ់ និងចង់ឃើញមុខ Messi ផ្ទាល់ណាស់។
អ្នកស្រី Han Un Gyong
អ្នកស្រី Han Un Gyong បាននិយាយថា៖ “ខ្ញុំចង់ឱ្យ Messi មកលេងនៅកូរ៉េខាងជើង ព្រោះក្មេងៗនៅទីនេះស្រលាញ់គេណាស់។ ពេលខ្ញុំទៅសាលា Pyongyang (សាលាដែលមានស្ដង់ដាជាងគេនៅកូរ៉េខាងជើង) ខ្ញុំបានសួរពួកក្មេងៗថា តើនរណាជាកីឡាករបាល់ទាត់ល្អជាងគេបំផុតលើលោកនេះ ពួកគេឆ្លើយថា យើងស្រលាញ់តែ Messi ម្នាក់គត់។ ពួកគេតែងតែមើលរាល់ការប្រកួតទាំងអស់ ហើយពួកគេគឺស្គាល់ឈ្មោះកីឡាករល្បីៗនៅលើលោកនេះផងដែរ”។
កូរ៉េខាងជើងជាប្រទេសដែលមិនសូវជាចូលចិត្តពួកអឺរ៉ុបប៉ុន្មាននោះទេ ប៉ុន្តែកាលពីប៉ុន្មានខែមុននោះ ក៏មានព័ត៌មានថាលោក គីម ជុនអ៊ុនជាអ្នកគាំទ្រក្រុមបិសាចក្រហម Manchester United ផងដែរ។ ហើយបច្ចុប្បន្នប្រធានាធិបតីរូបនេះក៏បានឱ្យគេបង្កើតថ្នាក់ Sport Academy មួយផងដែរ៕
