អ្នកចាត់ការក្លិប Bayern Munich លោក
Pep Guardiola បានក្រើនរំឭកក្លិប Manchester United
ថាក្លិបយក្សនៅអង់គ្លេសមួយនេះមិនអាចទិញកីឡាករល្អៗរបស់លោកបាន
ទេ។ អតីតអ្នកចាត់ការក្លិប Barcelona
រូបនេះបានអះអាងទៀតថាកីឡាករល្អដូចជា Arjen Robben, Bastian
Schweinsteiger និង Thomas Muller
សុទ្ធតែបដិសេធមិនទៅលេងនៅក្របខ័ណ្ឌ Barclays Premier League ឡើយ។
អ្នកចាត់ការវ័យ៤៣ឆ្នាំបាននិយាយមុន
ពេល Bayern Munich ត្រូវទទួលស្វាគមន៍ Manchester City
ក្នុងពានរង្វាន់ UEFA Champions League យប់នេះថា៖ “Man Utd
មិនមានប្រាក់គ្រប់គ្រាន់ដើម្បីទិញកីឡាកររបស់ខ្ញុំទេ។
ខ្ញុំឃើញពួកគេចំណាយលុយច្រើនណាស់រដូវកាលនេះ។
វាជារឿងល្អសម្រាប់មិត្តរបស់ខ្ញុំ Louis van Gaal។
ការចំណាយលុយជាផ្នែកមួយនៃការប្រកួត។
ក្លិបបាល់ទាត់ទាំងអស់នៅលើលោកនេះតែងតែចង់បានកីឡាករពីក្លិប
ដទៃ។ តែវាអាស្រ័យទៅលើកីឡាករដែរ បើគេចង់ទៅគេនឹងទៅ
ហើយបើគេចង់នៅគេនឹងនៅបន្ត”។
ចំពោះរឿងដែល Manchester United
មិនបានមកលេងនៅ UEFA Champions League រដូវកាលនេះ
អតីតកូនសិស្សរបស់លោក Van Gaal នៅ Barcelona ខាងលើ
បានបញ្ចេញទស្សនៈថា៖ “នេះជាមេរៀនមួយសម្រាប់ក្លិបធំៗ។
ក្លិបធំៗទាំងនោះគិតថា ពួកគេខ្លាំងរហូតហើយលេងមិនចេះចាញ់ទេ។
ហើយជាលទ្ធផលពួកគេមិនបានមកលេងនៅពានរង្វាន់ធំជាងគេប្រចាំ
ទ្វីបអឺរ៉ុបឡើយ។ ប្រហែលជារដូវកាលក្រោយពួកគេបានមកលេងវិញហើយ។
នេះហើយជាហេតុផលដែលធ្វើឱ្យកីឡាបាល់ទាត់មានភាពឆើតឆាយ”។
អំឡុងរដូវក្ដៅកន្លងទៅនេះ លោក
Louis van Gaal ធ្លាប់បានទាក់ទងចង់បានកីឡាកររបស់ Bayern Munich
ដូចជា Arjen Robben និង Thomas Muller
តែត្រូវពួកគេបដិសេធមិនមកលេងនៅ Old Trafford ទេ ខណៈ Toni Kroos
ក៏ធ្លាប់ស្ថិតក្នុងរ៉ាដារបស់ Man Utd
ដែរតែទីបំផុតសម្រេចចិត្តទៅចូលរួម Real Madrid៕
