យោងទៅតាមអតីតប្រធានក្លិប Real Madrid លោក Ramon Calderon
យល់ឃើញថាកីឡាករ Cristiano Ronaldo
កាន់តែមានការអាក់អន់ចិត្តខ្លាំងឡើងៗហើយក្នុងការលេងនៅ Real
Madrid។
រឿងនេះដែរអាចធ្វើឱ្យអតីតខ្សែប្រយុទ្ធរបស់ក្លិបបិសាចក្រហមរូប
នេះមានចំណាប់អារម្មណ៍ក្នុងការផ្ទេរទៅលេងនៅទឹកដី Old Trafford
វិញ។
ការចាប់ផ្ដើមរដូវកាល២០១៤-២០១៥នេះ ស្ដេចស Real Madrid
លេងមិនសូវល្អទេដោយចាញ់២ប្រកួតឈ្នះតែ១ប្រកួតប៉ុណ្ណោះក្នុង៣
ប្រកួតបើករដូវកាល La Liga។
នេះជាបញ្ហាមួយដែលធ្វើឱ្យម្ចាស់ពានរង្វាន់កីឡាករល្អបំផុតប្រចាំ
ទ្វីបអឺរ៉ុបមិនសប្បាយចិត្តចំពោះក្រុម
ខណៈដែលរឿងសំខាន់មួយទៀតនោះគឺការលក់កីឡាករសំខាន់ៗ (Key Player)
ដូចជា Angel di Maria និង Xabi Alonso។
អតីតប្រធានក្លិប Real Madrid វ័យ៦៣ឆ្នាំ លោក Calderon បាននិយាយទៅ Talk Sport ថា៖ “តាមគំនិតរបស់ខ្ញុំគឺគាត់មិនពេញចិត្តគោលការណ៍ថ្មីរបស់ប្រធាន ក្លិបបច្ចុប្បន្ន Florentino Perez ទេ។ ពេល CR7 មកលេងនៅ Santiago Bernabeu នៅឆ្នាំ២០០៩ គាត់គិតថាគាត់នឹងបានលេងជាមួយ Arjen Robben និងបានរួមកិច្ចការជាមួយ Robben ក្នុងក្រុមនេះ ប៉ុន្តែក្លិបបែរជាលក់ខ្សែប្រយុទ្ធស្លាបម្នាក់នេះចេញទៅវិញ។ ម្យ៉ាងទៀតខ្សែប្រយុទ្ធ Gonzalo Higuain ក៏ត្រូវលក់ចេញដែរនៅឆ្នាំ២០១៣ហើយនេះក៏បានធ្វើឱ្យគាត់មិន សប្បាយចិត្តដែរ។ ឆ្នាំមុនគាត់គិតថាជាកំហុសមួយទៅហើយដែលលក់ Mesut Ozil ហើយឆ្នាំនេះលោក Carlo Ancelotti បានលក់ Xabi Alonso និង Angel di Maria ទៀតដែលធ្វើឱ្យគាត់រឹតតែថ្នាំងថ្នាក់ចិត្ត”។
លោក Calderon បានបន្ថែមទៀតថា៖ “កាលខ្ញុំទិញ CR7 មក Bernabeu ក្នុងឆ្នាំ២០០៩ ខ្ញុំនៅចាំបានថាគាត់បាននិយាយថាគាត់ដឹងគុណក្លិបបិសាចក្រហម Manchester United រហូត។ គាត់មានពេលវេលាដ៏អស្ចារ្យនៅបិសាចក្រហម គាត់ចូលចិត្តអ្វីៗគ្រប់យ៉ាងនៅទីនោះ។ វាពិតជាក្លិបដ៏អស្ចារ្យ”។
មានការលេចឮថាក្លិបបិសាចក្រហម Man Utd
មានគម្រោងថានឹងដាក់តម្លៃយកខ្សែប្រយុទ្ធវ័យ២៩ឆ្នាំនេះមកវិញ
នៅរដូវកាលក្រោយ ហើយលោក Calderon ក៏ជឿជាក់ដែរថាការវិលទៅ
Manchester United វិញរបស់កីឡាករដែលធ្លាប់ចំណាយពេល៦ឆ្នាំនៅ
Old Trafford នេះ ជារឿងអាចកើតមានទៅរួច។
មានពាក្យមិនច្បាស់ការណ៍មួយចំនួនបាននិយាយដែរថាអតីតកីឡាករបិសាច
ក្រហមខាងលើនឹងទាមទារប្រាក់ប្រចាំសប្ដាហ៍នៅ Man Utd រហូតដល់ទៅ
៥០០.០០០ផោន(៨១២.៣០៨ដុល្លារអាមេរិក)ប្រសិនបើរូបគេត្រូវផ្លាស់ទៅ
Old Trafford វិញមែន។
ទោះជាយ៉ាងនេះក្ដី ម្ចាស់ពានរង្វាន់ FIFA Ballon d’Or 2013 ខាងលើចង់នៅ Real Madrid សិនរដូវកាលនេះដើម្បីការពារតំណែងជើងឯកពានរង្វាន់ UEFA Champions League៕
អតីតប្រធានក្លិប Real Madrid វ័យ៦៣ឆ្នាំ លោក Calderon បាននិយាយទៅ Talk Sport ថា៖ “តាមគំនិតរបស់ខ្ញុំគឺគាត់មិនពេញចិត្តគោលការណ៍ថ្មីរបស់ប្រធាន ក្លិបបច្ចុប្បន្ន Florentino Perez ទេ។ ពេល CR7 មកលេងនៅ Santiago Bernabeu នៅឆ្នាំ២០០៩ គាត់គិតថាគាត់នឹងបានលេងជាមួយ Arjen Robben និងបានរួមកិច្ចការជាមួយ Robben ក្នុងក្រុមនេះ ប៉ុន្តែក្លិបបែរជាលក់ខ្សែប្រយុទ្ធស្លាបម្នាក់នេះចេញទៅវិញ។ ម្យ៉ាងទៀតខ្សែប្រយុទ្ធ Gonzalo Higuain ក៏ត្រូវលក់ចេញដែរនៅឆ្នាំ២០១៣ហើយនេះក៏បានធ្វើឱ្យគាត់មិន សប្បាយចិត្តដែរ។ ឆ្នាំមុនគាត់គិតថាជាកំហុសមួយទៅហើយដែលលក់ Mesut Ozil ហើយឆ្នាំនេះលោក Carlo Ancelotti បានលក់ Xabi Alonso និង Angel di Maria ទៀតដែលធ្វើឱ្យគាត់រឹតតែថ្នាំងថ្នាក់ចិត្ត”។
លោក Calderon បានបន្ថែមទៀតថា៖ “កាលខ្ញុំទិញ CR7 មក Bernabeu ក្នុងឆ្នាំ២០០៩ ខ្ញុំនៅចាំបានថាគាត់បាននិយាយថាគាត់ដឹងគុណក្លិបបិសាចក្រហម Manchester United រហូត។ គាត់មានពេលវេលាដ៏អស្ចារ្យនៅបិសាចក្រហម គាត់ចូលចិត្តអ្វីៗគ្រប់យ៉ាងនៅទីនោះ។ វាពិតជាក្លិបដ៏អស្ចារ្យ”។
ទោះជាយ៉ាងនេះក្ដី ម្ចាស់ពានរង្វាន់ FIFA Ballon d’Or 2013 ខាងលើចង់នៅ Real Madrid សិនរដូវកាលនេះដើម្បីការពារតំណែងជើងឯកពានរង្វាន់ UEFA Champions League៕
