Petr
Cech កំពុងពិភាក្សាជាមួយអ្នកចាត់ការ Jose Mourinho
ចំពោះអនាគតរបស់ខ្លួនជាមួយ Chelsea
បន្ទាប់ពីកៅអីជម្រើសដំបូងអ្នកចាំទី
បានធ្លាក់ទៅអ្នកចាំទីវ័យក្មេង Thibaut Courtois។
អ្នកចាំទីវ័យ៣២ឆ្នាំរូបនេះ បានប្រាប់កាសែតរបស់ឆេក Idnes
ថា៖ “ខ្ញុំមិនដឹងថាតើក្លិបនឹងមានគំនិតបែបណានោះទេ។
គ្រប់គ្នាមើលឃើញថាខ្ញុំ និងThibaut ជាដៃគូគ្នាដ៏ល្អ។
ប៉ុន្តែខ្ញុំអាចលេងបានតែមួយរដូវកាលនេះទេ។
ខ្ញុំមិនចង់បន្តរដូវកាលបែបនេះទៀតទេ។ មានពាក្យចចាមអារ៉ាមច្រើន
តែខ្ញុំនឹងនិយាយពីវាពេលដល់ទីផ្សារដោះដូរកីឡាករ”។
ក្នុងរដូវកាលនេះ Cech បានបង្ហាញខ្លួនឲ្យ Chelsea
តែ១៤ប្រកួត ហើយនៅ Premier League លេងបានតែ៥ប្រកួតប៉ុណ្ណោះ
ដោយសារលោក Mourinho ទុកចិត្តលើ Courtois ជាង។
សម្រាប់ប្រិយមិត្តវិញ គិតថា រវាង Cech និង Courtois ម្នាក់ណាសមនឹងជាប់ដៃទី១? តើ Cech គួរចេញពី Chelsea ដែរឬទេ?
