Luis Suarez បានស៊ុតបញ្ចូលទី១គ្រាប់នៅតង់ទី២ ជួយឲ្យ Barcelona យកឈ្នះ Real Madrid ២-១ ក្នុងជំនួប El Clasico នៅកីឡដ្ឋាន Camp Nou ដ៏កក្រើកនាម៉ោង៣ទៀបភ្លឺមុននេះ។
ការប្រកួតចាប់ផ្ដើមបាន១៩នាទី ខ្សែការពារសញ្ជាតិបារាំង Jeremy Mathieu បានតែតបញ្ចូលទីឲ្យក្រុមអ្នកមានបុណ្យនាំមុខមុន ប៉ុន្តែ Cristiano Ronaldo បានស៊ុតឲ្យស្ដេចសតាមស្មើវិញនៅនាទី៣១។ យ៉ាងណាក្ដី Barca ដែលលេងនៅមុខអ្នកទស្សនារបស់ខ្លួនជិត១០ម៉ឺននាក់នោះ បានរកគ្រាប់ទី២ ដែលជាគ្រាប់បាល់ជ័យជម្នះនៅ១១នាទីដើមតង់ទី២ ដោយការស៊ុតរបស់ Suarez។
ជ័យជម្នះនេះ បានធ្វើឲ្យក្រុមលោក Luis Enrique បន្តកាន់កាប់កំពូលតារាង ដោយបង្កើនគម្លាតពី Real ដល់៤ពិន្ទុ ខណៈសល់តែ១០ប្រកួតទៀតចប់រដូវកាល៕
