អារម្មណ៍ ច្រណែនគឺជាលក្ខណៈធម្មជាតិរបស់មនុស្សម្នាក់ៗ ប៉ុន្តែអ្នកដែលឧស្សាហ៍មានភាពច្រណែនមិនងាយនឹងរីកចម្រើនទេ។ ការទប់អារម្មណ៍កុំឲ្យច្រណែនក៏មិនមែនជាការងាយស្រួលនោះដែរ ប៉ុន្តែបើដឹងពីវិធីបង្ការគឺល្អណាស់ ដើម្បីរក្សាទំនាក់ទំនងរវាងអ្នក និងនរណាមួយឲ្យនៅតែប្រសើរសម្រាប់រាប់អានគ្នាទៅថ្ងៃអនាគត ទៀត។
តើធ្វើម៉េចដើម្បីអាចទប់អារម្មណ៍ច្រណែនបាន?
I. ដំបូងអ្នកត្រូវចេះកំណត់អារម្មណ៍ច្រណែនជាមុនសិន៖
១) អ្វីដែលតែងធ្វើឲ្យអ្នកផ្ទុះអារម្មណ៍ច្រណែន
អ្នកអាចនឹងមានអារម្មណ៍ច្រណែននៅពេល៖
@នារី ឬបុរសជាមិត្តភ័ក្ដិកាន់ដៃគ្នា ទុកឲ្យអ្នកនៅកណ្ដោចកណ្ដែងគ្មានគេអើពើ
@មិត្តដ៏ល្អរបស់អ្នកដូចជាចំណាយពេលជាមួយអ្នកផ្សេងច្រើនជាងជាមួយអ្នក
@អ្នកណាម្នាក់ទទួលបានការកោតសរសើរ ដែលកិត្តិយសនេះគួរបានទៅអ្នកច្រើនជាង
មានអ្វីៗជាច្រើនទៀតដែលធ្វើឲ្យអ្នកច្រណែន សូម្បីតែគេមានជាងអ្នក ក៏អាចធ្វើឲ្យអារម្មណ៍របស់អ្នកច្រណែនបានដែរ។
II. វិធីទប់កុំឲ្យច្រណែន
១) ទុកចិត្តខ្លួនឯង៖
@ មធ្យោបាយល្អក្នុងការទប់អារម្មណ៍ច្រណែន គឺបង្កើតវិន័យផ្ទាល់ខ្លួន ដោយចេះកាយវិការប្រកបតែទំនុកចិត្ត
@ មនុស្សដែលមានទំនុកចិត្ត មិនផ្ទុះអារម្មណ៍ច្រណែនចេញមកទេ ពេលគាត់ទទួលការចំអកអ្វីមួយ
@ បើទោះបីជាអ្នកត្រូវគេមើលងាយក្ដី អ្នកគ្រាន់តែចាត់ទុកវាជាមេរៀនថ្មីៗសិក្សាទុកជាបទពិសោធន៍ទៅ
២) កុំប្រៀបធៀបខ្លួនឯងទៅអ្នកដទៃ
@ ត្រូវគិតថា មិនថាមនុស្សល្បី ឬតារាទេគឺសុទ្ធតែមានបញ្ហាផ្ទាល់ខ្លួន ដែលអ្នកមើលមិនឃើញ
@ ជំនួសឲ្យការយល់ឃើញអ្វីមិនល្អចំពោះខ្លួនឯង ចូរគិតអំពីគុណតម្លៃវិជ្ជមាន ជំនាញ និងអាកប្បកិរិយា ដែលធ្វើឲ្យអ្នកមានថ្ងៃនេះ
៣) ធ្វើអ្វីផ្ទុយពីមនុស្ស ដែលអ្នកឧស្សាហ៍ច្រណែន និយមធ្វើ
@ ប្រសិនបើមិត្តរបស់អ្នកកំពុងនៅជាមួយនរណាម្នាក់ ធ្វើឲ្យអ្នកច្រណែន អ្នកគួរទៅមើលកុន ឬញ៉ាំអាហារដើម្បីបំភ្លេចរឿងនេះ
@ ប្រសិនបើនារី ឬបុរសដែលអ្នកស្រឡាញ់កំពុងនិយាយជាមួយអ្នកផ្សេង ចូលរួមជជែកលេងជាមួយគេជាលក្ខណៈមិត្តភាពដែរទៅ
@ នៅពេលនរណាម្នាក់យកតំណែងដែលអ្នកចង់បាន ចូរបង្ហាញការសាទរចំពោះគេ ជៀសជាងប្រើល្បិចកល់អ្វី ឬព្យាយាមរុកកួនបុគ្គលនោះ
៤) ការចង់បានគួរមានដែនកំណត់
ប្រសិនបើដៃគូរបស់អ្នកមិនបានចំណាយពេលខ្លះសោះជាមួយអ្នក នោះអ្នកនឹងមានការបារម្ភ។ ប៉ុន្តែប្រសិនបើគាត់បានចំណាយពេលណាមួយជាមួយអ្នកហើយ ហើយអ្នកនៅតែមានអារម្មណ៍មិនគ្រប់គ្រាន់ នោះតម្រូវការរបស់អ្នកមុខជាខ្ពស់ពេកហើយ។ សិក្សាពីខ្លួនឯងដូចខាងក្រោម៖
@ ក្រឡេកមើលខ្លួនឯង។ អ្វីដែលធ្វើឲ្យអ្នកមានសេចក្ដីត្រូវការខ្ពស់រហូតមិនសប្បាយចិត្ត សោះ លុះត្រាតែមាននរណាម្នាក់នៅក្បែរ?
@ ងាកទៅធ្វើអ្វីផ្សេង ដូចជាជួបអ្នកដទៃ ឬទៅធ្វើអ្វីដែលបណ្ដាលឲ្យអ្នកសប្បាយចិត្ត
៥) ប្រកាន់គំនិតសុទិដ្ឋិនិយម
@ ប្រសិនបើនរណាម្នាក់មិនដែលធ្វើឲ្យអ្នកអន់ចិត្តទេ អីចឹងអ្នកត្រូវតែគិតល្អៗចំពោះមនុស្សនោះ កុំគិតអាក្រក់ចំពោះគាត់
@ ប្រសិនបើសកម្មភាពរបស់នរណាម្នាក់ធ្វើឲ្យអ្នកឈឺចាប់ម្ដងហើយម្ដង ទៀត អ្នកត្រូវតែចេះធ្វើយ៉ាងណា កុំឲ្យអារម្មណ៍របស់អ្នកទទួលយកនូវរូបភាពដែលបានឃើញទាំងនោះ
@ បើអ្នកនៅតែចំណាយពេលខ្វល់ខ្វាយអំពីអ្វីដែលមិនប្រាកដថានឹងកើត ឡើងផង ដូច្នេះអ្នកកំពុងបង្កើតអារម្មណ៍អវិជ្ជមានមួយឲ្យខ្លួនឯងហើយ។ វាដូចជាគួរឲ្យអស់សំណើចមែនទេ? ដូច្នេះប្រសិនបើអ្នកទុកចិត្តនរណាម្នាក់ គួរទុកចិត្តគេទាំងស្រុង។ មនុស្សល្អ មិនគួរមានការសង្ស័យទៅលើគាត់នោះទេ។
