- Sabay 74

តោខៀវ ស៊ីមាន់ខ្នាយមាស វគ្គផ្ដាច់ព្រ័ត្រ ជួយឲ្យ Mourinho ស្គាល់ជាតិពានជាថ្មី

2 Mar, 2015 07:19

Chelsea, English League Cup, អត្ថបទសំខាន់, លទ្ធផល

0 Comment (s)

លោក Jose Mourinho បានឈ្នះពានរង្វាន់ទី១ចាប់តាំងពីចូលដឹកនាំក្រុម Chelsea ជាលើកទី២ ក្រោយយកឈ្នះ Tottenham Hotspur នាវគ្គផ្ដាច់ព្រ័ត្រ Capital One Cup នាកីឡដ្ឋាន Wembley យប់មិញ។

John Terry និង Diego Costa រកបានម្នាក់មួយគ្រាប់ ជួយឲ្យតោខៀវ ស៊ី ២-០ ខណៈក្រុមគូប្រជែងមាន់ខ្នាយមាសខំប្រឹងវាយបកដើម្បីយកឈ្នះពាន រង្វាន់នេះដូចកាលពី៧ឆ្នាំមុនដែរ ប៉ុន្តែមិនបានទម្លុះរបាំងការពារដ៏មាំរបស់លោក Mourinho បាន។

ជ័យជម្នះនេះ ធ្វើឲ្យអ្នកចាត់ការសញ្ជាតិព័រទុយហ្គាល់ ស្គាល់ជាតិលើកពានជាលើកដំបូង ចាប់តាំងពីជួយឲ្យ Real Madrid ឈ្នះពាន La Liga តាំងពីឆ្នាំ២០១២ ហើយវាក៏ជាពានលើកដំបូងសម្រាប់ Chelsea តាំងពីឈ្នះវគ្គផ្ដាច់ព័ត្រ Europa League កាលពីឆ្នាំមុនផងដែរ។

មិនត្រឹមតែអាចលើកពានប៉ុណ្ណោះទេ ក្រុមដែលមានមូលដ្ឋាននៅទីក្រុងឡុងដុងមួយនេះ ក៏រីករាយយ៉ាងសម្បើមដែរ ក្រោយក្រុម Manchester City ដែលជាគូប្រជែងក្នុងតារាង Premier League បានចាញ់ក្រុមហង្សក្រហម Liverpool ២-១ កាលពីយប់មិញដែរនោះ (ចុចអានលម្អិត)។

វីដេអូហាយឡាយនៃការប្រកួត