កោះហាវ៉ៃ ឋានសួគ៌ពិតៗសម្រាប់គូស្នេហ៍

កោះហាវ៉ៃ គឺសមាជិករដ្ឋទី៥០ និងជារដ្ឋកូនពៅគេ ដែលស្ថិតនៅក្រោមការគ្រប់គ្រងរបស់សហរដ្ឋអាមេរិកចាប់ពីឆ្នាំ១៩៥៩ មក។ ក្នុងរង្វង់ផ្ទៃដីជិត ៣ម៉ឺនគីឡូម៉ែត្រក្រឡា ហាវ៉ៃគ្របដណ្ដប់ទៅដោយធម្មជាតិ និងឆ្នេរសក្បុស ដែលជាទីគូស្នេហ៍ចូលចិត្តទៅសាងភាពរ៉ូមែនទិក និងបង្កើនចំណងស្នេហា។

បើតាមគេហទំព័រ Hotelclub កោះហាវ៉ៃ ក៏ត្រូវគេចាត់ទុកថា ជាកន្លែងក្រេបទឹកឃ្មុំដ៏ល្អផ្ដាច់មួយលើលោកផងដែរ។ គូស្នេហ៍ជាច្រើន តែងទៅសាងភាពផ្អែមល្ហែមនៅលើប្រជុំកោះហាវ៉ៃ ដោយសារទីនោះមានឆ្នេរធម្មជាតិដ៏ស្រស់បំព្រង តំបន់ព្រៃត្រូពិក និងពោរពេញទៅដោយជីវិតសត្វគ្រប់ប្រភេទ៕