មើលរូបថតធម្មជាតិត្រជាក់ភ្នែក មិនងាយថតបាន

9 Jan, 2015 09:52

0 Comment (s)

អ្នក ថតរូបជនជាតិហុងគ្រីម្នាក់ ឈ្មោះ Bence Mate បានថតយកទិដ្ឋភាពដ៏អស្ចារ្យជាច្រើនទាក់ទងនឹងជីវិតសត្វព្រៃ និងទិដ្ឋភាពធម្មជាតិដ៏ស្រស់បំព្រង។ កំពូលអ្នកថតរូបដែលធ្លាប់ឈ្នះពានជាច្រើននេះ ត្រូវបានគេដាក់រហស្សនាមឲ្យថា ‘The Invisible Wildlife Photographer’ ដោយសារតែជំនាញថតរូបសត្វក្នុងព្រៃមិនគួរឲ្យជឿ។

អ្វីដែលគួរឲ្យសរសើរ គឺ Bence បានចំណាយពេលរាប់ថ្ងៃ រាប់សប្ដាហ៍ ឬអាចឈានដល់រាប់ខែ សម្ងំយ៉ាងស្ងៀមស្ងាត់ដើម្បីតាមប្រមាញ់រូបថតសត្វទាំងនោះ។

Bence ចូលក្នុងទឹកដើម្បីថតរូប

Bence បាននិយាយថា៖ “នៅពេលដើរកាត់ព្រៃ យើងតែងតែជួបប្រទះឃើញទិដ្ឋភាពដ៏អស្ចារ្យនៅក្នុងធម្មជាតិ។ កត្តាចម្ងាយ ពន្លឺ ទិដ្ឋភាពខាងក្រោយ (Bbackground) បរិស្ថានជុំវិញ នឹងអាចជួយឲ្យយើងអាចស្វែងយល់ និងកាន់តែមានបទពិសោធន៍ច្រើនក្នុងការថតយករូបភាពដែលយើងជួបប្រទះ នោះ។ សម្រាប់ខ្ញុំ ខ្ញុំបានព្យាករណ៍ដោយខ្លួនឯងថាទិដ្ឋភាពបែបណា នឹងកើតឡើងនៅកន្លែងណា ដើម្បីថតយករូបភាពបាន”។

អ្នកថតរូបជំនាញរូបនេះបានបន្ថែមថា៖ “ការរៀបចំផែនការ និងការអត់ធ្មត់ខ្លាំង គឺជាកត្តានៅពីក្រោយភាពជោគជ័យនៃការថតរូបភាពធម្មជាតិ។ ពេលខ្លះខ្ញុំត្រូវទ្រាំរាប់ម៉ោង រាប់ថ្ងៃ រាប់សប្ដាហ៍ ឬពេលខ្លះដល់រាប់ខែក៏មាន ដើម្បីរង់ចាំទិដ្ឋភាពដ៏អស្ចារ្យមួយកើតឡើង”។

តោះ! កុំចាំយូរ សាកទៅមើលរូបថតរបស់ Bence ខាងក្រោមនេះ ថាតើស្អាតប៉ុណ្ណាដែរ?