នា ពេលបច្ចុប្បន្នមានការកើនឡើងជាច្រើននូវការប្រើប្រាស់ឧបករណ៍ បច្ចេកវិទ្យាដូចជា ទូរសព្ទ Smartphone ឬ Tablet ជាដើម។ ហើយមនុស្សភាគច្រើនគឺមានការពេញនិយមថតរូប Selfies ដើម្បីបង្ហោះចូលទៅកាន់បណ្ដាញអ៊ីនធឺណិត ជាពិសេសគឺបណ្ដាញសង្គម Facebook។ ដូច្នេះដើម្បីបង្កើនរូបភាពទាំងនោះឲ្យកាន់តែមានសភាពស្រស់ស្អាត គួរតែប្រើកម្មវិធីជំនួយបន្ថែម ជាក់ស្ដែងដូចជម្រើសកម្មវិធីទាំងប្រាំខាងក្រោមនេះ៖
១. Perfect365៖ គឺជាកម្មវិធីកែប្រែរូបភាពដែល អនុញ្ញាតឲ្យអ្នកប្រើប្រាស់ធ្វើការច្នៃរូបភាពឲ្យកាន់តែមានភាព ស្រស់ស្អាត ដូចជាធ្វើស្បែកគ្រើមទៅជាមានស្បែករលោង លុបស្នាមមុន ប្ដូរទំហំច្រមុះ និងមុខងារមួយចំនួនទៀត។
ទាញយក៖ (iPhone / Android / Windows)
២. ModiFace Photo Editor៖ កម្មវិធីនេះក៏បានផ្ដល់នូវលក្ខណៈពិសេសៗសម្រាប់តុបតែងរូបថតឲ្យ កាន់តែស្អាតបន្ថែមទៀតផងដែរ។ ក្រៅពីលក្ខណៈសំខាន់ទាំងនេះ វាក៏បានផ្ដល់មុខងារមួយសម្រាប់កែប្រែផ្ទៃស្បែកឲ្យមានភាពរលោង ស្អាត លុបស្នាមជាំ ប្ដូរពណ៌ បង្រួមផ្ទៃមុខ និងរាងកាយឲ្យស្វ៊ែល និងមានមុខងារពិសេសៗជាច្រើនទៀត។
ទាញយក៖ (iPhone / Android )
៣. Pixtr ៖ ចំណែកឯកម្មវិធីមួយនេះវិញគឺផ្ដល់ភាពងាយស្រួលក្នុងការកែប្រែ មិនសាំញ៉ាំ។ វាមានសមត្ថភាពកែមុខ លុបស្នាមជាំ ធ្វើឲ្យស្បែករលោង លុបស្នាមភ្លឺ ធ្វើឲ្យធ្មេញមានភាពសរ និងមានមុខងារជាច្រើនផ្សេងទៀត។
ទាញយក៖ (iPhone)
៤. Visage Lab ៖ គឺជាកម្មវិធីមួយដូចជាមន្ទីរ ពិសោធន៍ផ្នែកសម្ផស្សផ្ទៃមុខប្រកបដោយជំនាញមួយអញ្ចឹង។ វាមានសមត្ថភាពលុបស្នាមជ្រីវជ្រួញ ស្នាមភ្លឺ ធ្វើឲ្យស្បែករលោង លុបស្នាមក្រហមលើភ្នែក ធ្វើឲ្យធ្មេញស បន្ថែមពណ៌ និងមុខងារផ្សេងៗទៀត។
ទាញយក៖ (iPhone / Android)
៥. FaceTune៖ គឺជាកម្មវិធីមួយផ្សេងទៀតដែលមានភាពងាយស្រួលក្នុងការប្រើ ប្រាស់ មាន Tool ច្រើនសម្រាប់ប្រើប្រាស់ដើម្បីធ្វើឲ្យរូបភាពកាន់តែមានភាពស្រស់ ស្អាតជាងមុន។
