កីឡាករ Angel di Maria
បានបង្ហើបឱ្យដឹងថាកាលដែលខ្លួនមិនបានផ្លាស់ទៅ PSG
កាលពីដើមរដូវកាលនេះ
គឺដោយសារខាងក្លិបយក្សនៅបារាំងមួយនោះមានបញ្ហាខាងហិរញ្ញវត្ថុ។
ខ្សែបម្រើប្រយុទ្ធស្លាបខាងលើនេះបាននិយាយប្រាប់កាសែត Telefoot របស់បារាំងថា៖ “ចំពោះ PSG ខ្ញុំគិតថាពួកគេមានបញ្ហាខាងហិរញ្ញវត្ថុហើយបានជាមិនអាចទិញ ខ្ញុំទៅបាន។ នេះជាហេតុផលធំដែលខ្ញុំមិនបានទៅលេងនៅបារាំង ការបានលេងនៅលីកក្នុងប្រទេសនេះគឺសឹងតែជាគោលបំណងរបស់គ្រប់ គ្នាទៅហើយ។ ទោះយ៉ាងណាឥឡូវខ្ញុំបានលេងនៅអង់គ្លេសទៅហើយ ប៉ុន្តែគ្មាននរណាដឹងទេថាទៅថ្ងៃមុខខ្ញុំលេងនៅលីកណាទៀតនោះ។ មានការផ្លាស់ប្ដូរច្រើនណាស់ក្នុងវិស័យបាល់ទាត់នេះ”។
Di Maria ត្រូវបានគេកែរូបពាក់អាវ PSG កាលល្បីថាទៅលេងនៅបារាំង
កីឡាករដែលមានតម្លៃខ្លួន ៥៩,៧លានផោន បំបែកកំណត់ត្រានៅអង់គ្លេសរូបនេះបាននិយាយពីអារម្មណ៍នៅ Man Utd និងការចាកចេញពី Real Madrid ថា៖ “មានក្លិបច្រើនចង់បានខ្ញុំប៉ុន្តែមានតែ Man Utd ទេដែលតាមខ្ញុំខ្លាំងជាងគេ ហើយពេលនេះបិសាចក្រហមនេះបានសម្រេចគោលបំណងហើយ។ វាជារបៀបលេងថ្មីមួយសម្រាប់ខ្ញុំក្នុងការលេងជាមួយ Man Utd ហើយយើងត្រូវការពេលសិនដើម្បីសម្របខ្លួន។ ខ្ញុំមិនដែលមានគំនិតស្ដាយក្រោយទេក្នុងការចាកចេញពី Real Madrid ព្រោះខ្ញុំគិតថាខ្ញុំបានឈ្នះពានរង្វាន់ទាំងអស់ទៅហើយនៅ Santiago Bernabue ទាំង La Liga , Copa Del Rey និង Champions League”។
នៅចាំបានថា រដូវកាលដោះដូរកីឡាករដែលកន្លងផុតទៅប៉ុន្មានខែមកនេះ ខ្សែបម្រើប្រយុទ្ធដែលជាប់ជម្រើសជាតិអាហ្សង់ទីនតាំងពី U20 មកនេះធ្លាប់មានការទាក់ទងជាមួយ PSG ខ្លាំងជាង Man Utd ទៅហើយ ប៉ុន្តែគួរឱ្យសោកស្ដាយដោយសារ Real Madrid ដាក់តម្លៃខ្លួន Di Maria ខ្ពស់ពេកទើបក្រុមលោក Laurent Blanc បោះបង់ឱកាសនោះចោលវិញ៕
ខ្សែបម្រើប្រយុទ្ធស្លាបខាងលើនេះបាននិយាយប្រាប់កាសែត Telefoot របស់បារាំងថា៖ “ចំពោះ PSG ខ្ញុំគិតថាពួកគេមានបញ្ហាខាងហិរញ្ញវត្ថុហើយបានជាមិនអាចទិញ ខ្ញុំទៅបាន។ នេះជាហេតុផលធំដែលខ្ញុំមិនបានទៅលេងនៅបារាំង ការបានលេងនៅលីកក្នុងប្រទេសនេះគឺសឹងតែជាគោលបំណងរបស់គ្រប់ គ្នាទៅហើយ។ ទោះយ៉ាងណាឥឡូវខ្ញុំបានលេងនៅអង់គ្លេសទៅហើយ ប៉ុន្តែគ្មាននរណាដឹងទេថាទៅថ្ងៃមុខខ្ញុំលេងនៅលីកណាទៀតនោះ។ មានការផ្លាស់ប្ដូរច្រើនណាស់ក្នុងវិស័យបាល់ទាត់នេះ”។
Di Maria ត្រូវបានគេកែរូបពាក់អាវ PSG កាលល្បីថាទៅលេងនៅបារាំង
កីឡាករដែលមានតម្លៃខ្លួន ៥៩,៧លានផោន បំបែកកំណត់ត្រានៅអង់គ្លេសរូបនេះបាននិយាយពីអារម្មណ៍នៅ Man Utd និងការចាកចេញពី Real Madrid ថា៖ “មានក្លិបច្រើនចង់បានខ្ញុំប៉ុន្តែមានតែ Man Utd ទេដែលតាមខ្ញុំខ្លាំងជាងគេ ហើយពេលនេះបិសាចក្រហមនេះបានសម្រេចគោលបំណងហើយ។ វាជារបៀបលេងថ្មីមួយសម្រាប់ខ្ញុំក្នុងការលេងជាមួយ Man Utd ហើយយើងត្រូវការពេលសិនដើម្បីសម្របខ្លួន។ ខ្ញុំមិនដែលមានគំនិតស្ដាយក្រោយទេក្នុងការចាកចេញពី Real Madrid ព្រោះខ្ញុំគិតថាខ្ញុំបានឈ្នះពានរង្វាន់ទាំងអស់ទៅហើយនៅ Santiago Bernabue ទាំង La Liga , Copa Del Rey និង Champions League”។
នៅចាំបានថា រដូវកាលដោះដូរកីឡាករដែលកន្លងផុតទៅប៉ុន្មានខែមកនេះ ខ្សែបម្រើប្រយុទ្ធដែលជាប់ជម្រើសជាតិអាហ្សង់ទីនតាំងពី U20 មកនេះធ្លាប់មានការទាក់ទងជាមួយ PSG ខ្លាំងជាង Man Utd ទៅហើយ ប៉ុន្តែគួរឱ្យសោកស្ដាយដោយសារ Real Madrid ដាក់តម្លៃខ្លួន Di Maria ខ្ពស់ពេកទើបក្រុមលោក Laurent Blanc បោះបង់ឱកាសនោះចោលវិញ៕
