រថយន្តអនាគតអាចបើកដោយខ្លួនឯង និងប្រើជា Office ធ្វើការបាន

ក្រុមហ៊ុនមួយក្នុងរដ្ឋ California ដែលមានឈ្មោះថា Ideo បានបង្ហាញគំរូរថយន្តក្នុងក្ដីស្រមៃចំនួនបីប្រភេទដែលអាច ប្រើជាយានជំនិះផង និងជាការិយាល័យធ្វើការផងសម្រាប់អនាគត។

ប្រភេទរថយន្តដែល Ideo គ្រោងនិងបង្កើតនោះគឺមានលក្ខណៈមើលឆ្លុះដែលអាចមើលឃើញទាំងផ្នែក ខាងក្នុង និងផ្នែកខាងក្រៅ។ ហើយវាជាប្រភេទឡានឆ្លាតវៃ (Smart Car) ដែលផ្ដល់ភាពងាយស្រួលច្រើនទៅដល់អ្នកប្រើប្រាស់ដូចជាអាចប្រែ ក្លាយកន្លែងអង្គុយទៅជាបន្ទាប់ទទួលភ្ញៀវ ជាកន្លែងទុកដាក់អីវ៉ាន់ ហើយជាពិសេសទៅទៀតនោះគឺយើងអាចយកវាធ្វើជាការិយាល័យធ្វើការ បានគ្រប់ទីកន្លែង។ Smart Car អាចដាក់តុប្រជុំបានដល់ទៅពីរដែលផ្ដល់ភាពងាយស្រួលក្នុងការប្រ ជុំក្នុងលក្ខណៈធំល្មមបាន។

2380A5A200000578-0-image-18_1416954589440

អ្វីដែលកាន់តែពិសេសនោះគឺវាអាចបើកបរដោយខ្លួនឯង ហើយពេលធ្វើដំណើរផ្ទាល់អ្នកមិនបាច់ខ្វល់នឹងបញ្ជារថយន្ត តែអាចងាកមកផ្ដោតការងាររបស់ខ្លួនបាន។

ក្រុមអ្នកឌីស្សាញបានធ្វើការស្មានទុកដែរថានិងមានក្រុមហ៊ុនជា ច្រើនងាកមកប្រើប្រាស់Smart Car នេះ ពីព្រោះវាអាចធ្វើជាការិយាល័យការងារចល័តបានគ្រប់ទីកន្លែង ជំនួសអោយកន្លែងការងារដែលមានការចរាចរណ៍ណែនចង្អៀត និង ផ្ដល់ភាពស្មុគស្មាញក្នុងការធ្វើការងារ។

លើសពីនោះ ម៉ូដែលរថយន្តដដែលក៏អាចប្រើជារថយន្តបញ្ជូនទំនិញទៅដោយផ្ទះរបស់ អតិថិជនដោយប្រើប្រព័ន្ធ Wireless ដើម្បីបញ្ជា។

មើលគំរូរថយន្តក្នុងក្ដីស្រមៃទាំងបីម៉ូដែលពីក្រុមហ៊ុន Ideo៖