ការប្រើប្រាស់រថយន្តទូទាំង
ពិភពលោកកំពុងមានការកើនឡើងជាលំដាប់
បើធៀបទៅនឹងឆ្នាំមុនៗដោយសារកំណើនប្រជាជន
និងទីផ្សារប្រកួតប្រជែងគ្នាខ្លាំង។
ចំណែកក្រុមហ៊ុនផលិតរថយន្តដ៏ធំនៅជប៉ុន Toyota ក៏បន្តផលិត
និងបញ្ចេញម៉ូដែលជាច្រើនម៉ាកច្រើនជម្រើសនៅលើទីផ្សារ
ហើយម៉ូដែល Lexus ក៏ទទួលបានការចាប់អារម្មណ៍ខ្លាំង។ ថ្មីៗនេះ
ក្រុមហ៊ុន Toyota បានបញ្ចេញ Lexus NX300h ឆ្នាំ ២០១៤ ទៀត។
រថយន្តនេះបានបំពាក់បច្ចេកវិទ្យាទំនើប និងលក្ខណៈសម្បត្តិគួរពិចារណាដូចខាងក្រោមនេះ៖
-ជាប្រភេទរថយន្តមានតួខ្លួនធំល្មមដែលអាចបើកបរបានច្រើនស្ថានភាពផ្លូវ
-ផ្នែកខាងក្នុងមានលក្ខណៈធំទូលាយដែលអាចផ្ទុកមនុស្សបាន ៥ ទៅ ៧ នាក់
-កៅអីខាងក្នុងស្រោបដោយស្បែកស្វិតរឹងមាំមានផាសុកភាព
-បំពាក់ភ្លើងមុខប្រភេទ LED ដែលអាចបង្ហាញផ្លូវបានច្បាស់ល្អបើទោះជាស្ថានភាពងងឹតខ្លាំង
-ទំហំម៉ាស៊ីន៖ 2,5 Liter (4-cyl petrol hybrid, 147kW)
-កម្លាំងម៉ាស៊ី៖ ១៩៤ សេះ
-សំទុះ៖ ០-៩៩ km/h ដោយប្រើពេលត្រឹមតែ ៩,១ វិនាទី
-ល្បឿនលឿនបំផុត៖ ជាង១៨០គីឡូម៉ែត្រក្នុងមួយម៉ោង
-សន្សំសំចៃ៖ ៥,២លីត្រ /១០០km
រថយន្តម៉ូដែលនេះចាប់ផ្ដើមចរាចរលក់នៅលើទីផ្សារក្នុងតម្លៃប្រហែល ៥៥ ០០០ ដុល្លារ៕
